17 април, 2025 г.
Во конкуренција од 16 натпреварувачи од седум основни училишта од општините Охрид и Дебрца првото место го освои ученичката Стефанија Бакулеска од ООУ „Св. Наум Охридски“од Пештани, под менторство на наставничката по македонски јазик Марина Димовска. Таа ќе го претставува Охрид на Републичкиот натпревар „Млади библиотекари“ што на 7 мај ќе се одржи во Кичево во организација на Библиотекарското здружение на Македонија.
Претходно во организација на нашата Библиотека на 11 април се одржа Регионалниот натпревар ,,Млади библиотекари”.
Натпреварот го спроведе Комисијата во состав: Никола Ристовски- претседател, Бети Лазеска-Симоноска – член и Елена Станкоска – член.
Учесниците -ученици беа предводени од менторите: Драгана Боцеска – ООУ ,,Св.Климент Охридски” , Маја Наумова – ООУ ,,Ванчо Николески” – Лескоец , Ирена Наумоска – ООУ ,,Христо Узунов”, Наташа Митреска –ООУ ,,Григор Прличев”, Снежана Стојаноска –ООУ ,,Живко Чинго”-Велгошти, Лилјана Аврамоска – ООУ ,,Дебрца”– Општина Дебрца и Марина Димовска –ООУ ,,Св.Наум Охридски” – Пештани.
Тестот за натпреварувачите се состоеше од 20 прашања составени од прирачникот ,,Библиотекарство”. Сите ученици на натпреварот покажаа солидни знаења од областа на библиотекарството.
Денеска на сите учесници и ментори им врачени благодарници и книги во знак насеќавање на натпреварот.
Повеќе фотографии на нашата Фејсбук и фан страница.
НУ Библиотека
