14 јуни, 2022 г.
Откако нашата НУ Библиотека „Григор Прличев“ во Охрид стана библиотека од отворен тип во овој пост ковид период интересот на нашите сограѓани да ни дојдат во посетат е голем. Вчера наши гости беа волонтери на Црвен крст – Охрид кои во рамки на ЦКА- ПХВ ( Црвен крст во акција) – Промоција на хумани вредности.
Борче Исаковски, Ивана Котеска, Теа Николоска, Калина Стојаноска и Теодора Исијаноска заедно со останатите деца и колешките од библиотеката: Весна Симоноска, Елена Станкоска и Христина Трпеска го откриваа светот на книгите кој е најголем и највозбудлив токму во библиотеките.
Тие се запознаа со процесот на работа на библиотеката, го научиjа патот на книгата од издавачот преку набавката, обработката и се’ до одделот за зајмување а читаа свои и творби од познати, писатели и поети – домашни и странски.
Заеднички ги откриваа и пораките кои се кријат во делата и често се патоказ за многу луѓе во животот.
Дел од здобиеното вчерашно искуство младите волонтери ветија дека ќе го вградат во нивниот завршен настан од Проектот кој е планиран за крајот на оваа или почетокот на идната недела.
НУ Библиотека
