Во НУ Библиотека „Григор Прличев“ – Охрид, вчера во пресрет на Втори април Светскиот ден на литературата за деца започна новата 8-неделна програма што им помага на децата од 4 одделение да ја зајакнат самодовербата во читање и зборување на англиски јазик, преку приказни, креативни активности, глума и песни.
Програмата е водена од Дени Хамилтон, волонтерка на Мировниот корпус на САД со TESOL сертификат и искуство во работа со ученици. Во текот на 8 недели, децата природно ќе усвојуваат нов вокабулар, ќе развиваат читачки вештини и ќе учат во поддржувачка и забавна средина. Има се’ уште слободни места. Програмата е бесплатна, а услов за учество е децата да бидат членови или да се зачленат во библиотеката.
Носител и координатор на проектот е д-р Елена Станкоска, виш библиотекар, Н.У. Библиотека „Григор Прличев“ – Охрид.
НУ Библиотека
