20 јуни, 2023 г.
Денеска во организација на НУ Библиотека „Григор Прличев “ – Охрид се одржа Првата роднокрајна средба на писателите од нашиот град.
Настанот е дел од Годишната програма на Библиотеката и беше финансиски помогнат од Министерството за култура. Средбата имаше работен наслов: „Охрид низ творечкиот ракопис“.
Настанот целосно беше сниман а на секој присутен учесник – автор одделно му беше изработен фото – портрет кој ќе се чува во дигитална форма во библиотечната архива.
По воведното и поздравно излагање на директорот на НУ Библиотека „Григор Прличев“ м-р Милчо Јованоски кој се осврна на активностите во библиотеката и соработката со охридските творци, присутните разменија идеи околу издавачката продукција и збогатувањето на Роднокрајното одделение со нивни нови наслови.
Договорено е охридските творци на секои три месеци да се собираат на еден настан во Библиотеката и да говорат за успесите, но и нивните проблеми во областа на издаваштвото.
Според заклучокот следната средба е закажана за почетокот на октомври – месец кој се слави како Месец на книгата.
НУ Библиотека
