Во Кочани се одржа натпреварот „Млади библиотекари“

12 мај, 2023 г.

Денеска во Библиотеката „Искра“ во Кочани се одржа 22. Републички натпревар Млади библиотекари во организација на Библиотекарското здружение на Македонија.

На натпреварот учество зедоа 26 ученици од 24 основни училишта ширум државата. Комисијата во состав: Гордана Ѓеоргиевска-Неделковски , Билјана Огненовска и Себахате Ибраими како и член од домаќинот и член од менторите, го спроведоа тестирањето и по прегледаните тестови ги објавија следниве резултати:

1. Првото место го освои Матео Матевски од ООУ „Браќа Миладиновци“ – Куманово, со менторката Жаклина Трајковиќ
2. Второто место припадна на Лина Рушити од ООУ „Братство Миѓени“ од Тетово, со менторката Гонџе Ејуби
3. Третото место припадна на Сара Ѓоргиевска од ООУ „Гоце Делчев“ – Битола со менторката Маја Марковски

Нашата Библиотека ја претставуваше ученичката Ивона Куноска од ООУ „Св. Наум Охридски“ од Пештани со менторот Емилија Митреска.

НУ Библиотека