Одделот за зајмување книги во НУ Библиотека се сели во делот на некогашно „Охридско лето“

Одделот за зајмување книги во НУ Библиотека се сели во делот на некогашно „Охридско лето“

Posted by Milco Jovanoski in Актуелно 04 Dec 2021

4 декември, 2021 г. 

             Од вторник 7 декември, во пресрет на големиот празник посветен на Свети Климент Охридски – Патронот на Охрид , НУ Библиотека „Григор Прличев“ и официјално ќе го отвори адаптираното крило во кое претходно функционираше дирекцијата на фестивалот „Охридско лето“.

Во тој простор во иднина ќе функционира пултот за издавање за деца и возрасни, со истото работно време со корисници на услугите како и досега од 8 и 30 до 18 и 30 часот.

Замислата е библиотеката во иднина да биде од отворен тип, но во време на корона и натаму ќе се почитуваат сите мерки и протоколи против Ковид -19.

Тимот на библиотеката паралелно со секојдневните обврски, работеше и на преселувањето  од еден во друг простор на над 150 000 библиотечни единици белетристика, стручна литература и периодика.

Годинава НУ Библиотека „Григор Прличев“ одбележува седум децении откако го носи името на патронот – големиот поет и преродбеник Прличев.

НУ Библиотека