Кампот “Ванчо Николески”,традиционално започна во општинското основно училиште во Лескоец, кое е единствената установа во Македонија која го носи името на бардот на литературното создавање за деца и млади кај нас. На манифестацијата учествуваа млади поети и поетеси од Македонија, Србија, Бугарија и Албанија.
Во саботата младите поети беа во посета и запознавање со дејноста на НУ – Библиотека “Григор Прличев”, една од најстарите и со најбогат книжевен фонд во Македонија и пошироко каде ги пречека библиотекар – советникот Мариче Боздоганова. Во „Прличевата одаја“ тие го проследија предавањето за животот и делото на „таткото на глобализацијата”, Михаило Пупин, што го одржи најголемиот проучувач на овие простори, професор д-р Павле Митрески.
Вчера, во Црвена Вода, учесниците ги добија сертификатите за учество на, осмиот по ред, Балкански поетски камп за деца и млади, точно пред родната куќа на еминентниот поет и писател од првата повоена генерација во Македонија,Ванчо Николески кој, во времето на југословенската федерација, беше обврзна литература за сите ученици, од Триглав до Гевгелија.
НУ Библиотека
