9 март, 2023 г.
Тоде Илиевски постхумно прогласен за почесен член на НУ Библиотека „Григор Прличев“ на настанот кој беше организиран од страна на здружението „Креативна верига“ поддржано од Општина Охрид, а на кој беа доделени и наградите од нововостановенииот конкурс за најдобра детска песна „Тоде“.
На настанот сврзан со роденденот на лани починатиот Тоде Илиевски присуствуваше и неговата ќерка Ана Илијовска – Богиќ. Во име на Библиотеката директорот Милчо Јованоски на Илијовска – Богиќ и’ врачи Благодарница со која нејзиниот татко – постхумно е прогласен за Почесен член на НУ Библиотека „Григор Прличев“ – Охрид, информираат од Библиотеката.
Ана Илијовска – Богиќ најавила дека сака богатата семејна библиотека да ја подари на охридската Библиотека во која Тоде беше директор и ја помина последната деценија од работниот век, додаваат од Библиотеката.
Извор: OhridNews.com
НУ Библиотека
