25 март,2022 г.
Денеска во НУ „Григор Прличев“ се одржа книжевен портрет посветен на професор д-р Димитар Пандев, минатогодишен добитник на наградата „Димитар Митрев“ доделена од Друштвото на пистаели на Македонија за најдобра критичко-есеистичка книга во 2021 за делото „Времето на Конески“.
Директорот на Установата, Милчо Јованоски истакна дека Библиотеката од 2018 година воведе прогласување на почесни членови, личности од Охрид и Македонија кои ја задолжиле библиотеката со своето творештво и соработката со установата.
Во тој ранг на 10-тина македонски автори од денеска се вклучува и професор д-р Димитар Пандев, кој на македонската јавност и е познат освен како научен работник и доктор по филолошки науки, еден од најредовните учесници на семинарот за Македонски јазик, охриѓанец, рече Јованоски, додавајќи дека Пандев, го препознаваме и по она што го пишува во прозата, но во областа на славистиката и македонистиката.
-Овој портрет е резултат на долгогодишна соработка на д-р Пандев со Библиотеката. Ако се вратиме на неговиот животен пат треба да кажеме дека тој започнал со творби објавени во списанието „Јужен бран“ во Охридската гимназија, потоа преминал во литературните дружини на Библиотеката, во времето кога таа беше во стара зграда, од каде се раѓаат и низа спомени, подоцна опишани во неговите раскази. Истовремено, а можеби и најбитното, тој е наш соработник во последните години. Овој настан е одбележување на таа врска и симбиоза меѓу Григор Прличев и Димитар Пандев, двајцата охриѓани, а денеска е 25 март, денот кога се одбележува овенчувањето на Прличев со ловоровиот венец во Атина, додаде Јованоски.
За професионалните и приватни дружби со д-р Пандев беседеше и познатиот поет Славе Ѓорѓо Димоски. Тие заедно спаѓаат во некогаш актуелниот поетско – писателски бран од Охрид, кој не остана не забележан и во осумдесеттите од минатиот век и подоцна се зборуваше во македонските писателски кругови. Ѓорѓо Димоски за расказите на Пандев ќе рече дека се „Лебедова песна во современата македонска проза“.
За неговото прозно творештвото реферираше професор Татјана Дурнева.
КОГА ТРЕБА ДА ЗБОРУВАШ ЗА ЛИЧНОСТ КАКО ДИМИТАР ПАНДЕВ , СЕ ПОСТАВУВА ДИЛЕМА : ОД КАДЕ ДА ПОЧНЕШ ? ФИЛОЛОГ , НАУЧНИК , ЛИТЕРАТУРЕН КРИТИЧАР , ЕСЕИСТ , ПРЕВЕДУВАЧ , ПРИРЕДУВАЧ НА КНИГИ , РЕЦЕНЗЕНТ , УНИВЕРЗИТЕТСКИ ПРОФЕСОР , ПОЕТ , ПРОЗАИСТ , АВТОР НА УЧЕБНИЦИ , ДОБИТНИК НА БРОЈНИ НАГРАДИ …ИЛИ , КАКО ШТО САМИОТ ЌЕ РЕЧЕ : „ ЈАС ПОВЕЌЕ СЕ ЧУВСТВУВАМ КАКО ГРАЃАНИН НА СЛАВИСТИКАТА НА КОЈА СЕСРДНО СУМ ‘И СЕ ПОСВЕТИЛ “ .
ВО МОЕТО ИЗЛАГАЊЕ ЌЕ СЕ ЗАДРЖАМ ПОВЕЌЕ НА ПРОЗНОТО ТВОРЕШТВО НА ДИМИТАР ПАНДЕВ И СО МАЛ ОСВРТ ЌЕ ПРЕТСТАВАМ ДЕЛ ОД НЕГОВИТЕ ОСТАНАТИ ТРУДОВИ . ПОСЕБНО МИ Е ЧЕСТ ДА ЗБОРУВАМ ЗА ПАНДЕВ КОГО ГО ПОЗНАВАМ МНОГУ ОДАМНА , ОСОБЕНО ОД ПЕРИОДОТ НА СРЕДНОШКОЛСКИТЕ И СТУДЕНТСКИТЕ ГОДИНИ,рече Дурнева.
Расказот „Рјабиба“ од д-р Пандев го прочита средношколката Ана Бачиќ.
Во своето обраќање, Пандев се осврна на работењето со Блаже Конески, а една од темите бил и Тиквешкиот зборник. За своето творештво вели дека во неговите раскази не го продуцира ликот „јас“, нагласувајќи дека во своите раскази секогаш правел корелација меѓу науката и литературата.
Се тоа што го имам внесено во прозата на извесен начин се потпира врз определени теми на вистината на лингвистиката, рече Пандев.
Потенцираше дека поемата „Глаговидни песновиденија“ е замислена како студија за глаголицата која се’ уште не ја напишал но се надева дека наскоро ќе биде готова.
НУ Библиотека
