Со голема радост и посебно задоволство информираме дека неодамна добивме значајна донација на книги за деца на англиски јазик од волонтерска организација Darien Book Aid, од САД, посветена на унапредување на писменоста и образованието ширум светот.
Оваа вредна донација е дел од проектот Storybook Studio, во кој активно се вклучени Дени Хамилтон, волонтер од Мировниот корпус на САД и Елена Станкоска од нашата библиотека, кои заеднички работат на развивање на нови и креативни активности за описменување и учење англиски јазик за најмладите читатели.
Програмите кои произлегуваат од овој проект ќе започнат со реализација во нашата библиотека во 2026 година и ќе понудат инспиративен простор каде најмладите ќе учат, читаат и создаваат приказни на англиски јазик.
-Во име на наѓата Библиотека изразуваме искрена благодарност до Darien Book Aid за нивната дарежливост и посветеност кон ширење на знаењето, како и до Дени Хамилтон – волонтерот од Мировниот корпус за нејзиниот ентузијазам, поддршка и пријателство.
Благодарение на ваквите партнерства, нашата библиотека продолжува да расте како место кое инспирира, образува и ги поврзува културите преку книгата, вели Христина Трпеска, директорка на НУ Библиотека „Григор Прличев“ од Охрид .
НУ Библиотека
