3 април, 2025 г.
На пултот за зајмување побарајте ги трите нови романи на Гордана Такец: Руски рулет, Балканот е валкан и Нашите испуштени нешта. Писателката Гордана Такец од Битола од љубов и почит кон нејзиниот татко ја основаше фондацијата „Такец“ која промовира култура, поети и поезија.
Дипломирала на Правниот факултет во Македонија, магистерски и докторски студии во Москва и Киев. Докторирала на Катедрата за дипломатија и меѓународно право и на катедрата за психологија. Четири години била професорка по психологија во Киев на Универзитет. Работела како ТВ новинарка во Македонија, како универзитетски професор во Македонија и Киев. Посебно треба да се нагласи дека таа беше познат и одличен адвокат.
Гордана Такец , денес е почесен доктор на науки на Европскиот институт за човекови права и визитинг професор на истиот Институт. Гордана напиша 19 научни трудови, 27 романи, 9 книги поезија, објави 12 меѓународни антологии, организира културно-уметнички настани, слика и пишува. Таа е автор на романите: Балканот е валкан, Водка и гитара, Јас сум безвремена жена, Хемија, Љубов со големо Љ, Јасмин, Нашите испуштени нешта, Руски рулет, Јас сум Такец, Капињера и други.
Писателката и основач на фондацијата „Такец“, д –р Гордана Такец во 2022 година стана добитник на меѓународната почесна награда „CITTA DEL GALATEO-ANTONIO DE FERRARIS“ за оригиналност во странската култура, која и беше доделена во Рим. Таа беше единствен претставник од Македонија. Наградата ја доделува здружението VerbumlandiArt-Aps Society, чиј основач и претседател е Регина Реста, а ко-основач и близок соработник е Мирјана Добрила Романело, писателка, преведувач и хуманист со хрватски корени. Тоаш се одржа lX издание на престижниот фестивал во Рим во организација на реномираното и афирмирано здружение.
Ова високо признание битолчанката Такец го доби за долгогодишната несебична работа во областа на културата и нејзиниот придонес во македонската култура и уметност и промоција на поети, како и организирање на бројни фестивали.За Гордана Такец писателката Гордана Сариќ ќе каже: „Таа го сака животот, сака љубов, сака се што е убаво, сака луѓе“.Гордана целиот свој живот го посвети на науката, професионалното усовршување и работата, а слободното време го посветува на литературата и промовирањето на поетите и поезијата.
Книгата ЈАС СУМ ТАКЕЦ всушност е автобиографијата на писателката која со нескриен жар го обелоденува она за кое многумина би молчеле.
Книга е лична карта на авторката Гордана Такец и која ја карактеризира нејзината искреност, емотивен пристап кон читателот, отвореност и порив вистината каква и да е да биде обелоденета и споделена со читателот.
Тоа е книга- сплет од делови на најдобрите нејзини романи, кои читајки ги, ќе ви обелоденат дека Гордана Такец зборува со јазикот на искреноста и вистината, без двоумење, без предрасуди, напротив, таа херојски пристапува кон остварување на она што го чувствува и сака и уште похеројски тоа им го доближува на читателите.
ЈАС СУМ ТАА ИСТАТА, ОД СЕКОГАШ ВЕРУВАВ ВО ВИСТИНАТА , МОЕТО ЖИВОТНО МОТО Е САМО ВИСТИНАТА.
ВО ОВОЈ ДЕЛ ОД НАШИОТ ЗАКОРАВЕН БАЛКАН, СЕ’ УШТЕ Е НЕДОЗВОЛИВО ИСКРЕНО ЗА СЕБЕ ДА ПРОГОВОРИШ.
НО ЈАС СУМ ТАА КОЈА ПРВА НА ОВИЕ ПРОСТОРИ ГО НАПИШАВ МОЈОТ ПРВ ЉУБОВЕН РОМАН
” ВКУСОТ НА ЉУБОВТА”
И сега сум истата ТАА. Жена која безусловно љуби,безрезервно сака и ПРОСТУВА.
Кога секој би се откажал, јас продолжувам.
Кога секој би паднал,ј ас се враќам посилна.
Кога секој би одбрал смрт, јас одбирам да живеам.
Кога секој би одбрал омраза, јас простувам.
Можеби затоа сум една и единствена на овие простори.
ТИ СИ СИЛНА ЖЕНА, ЌЕ МИ РЕЧАТ.
НЕ СУМ СИЛНА .
НИКОЈ НЕ Е СИЛЕН.
НЕМА СИЛНИ НА ОВОЈ СВЕТ.
ХЕРОИТЕ СЕ ОДАМНА МРТВИ.
ЈАС СУМ САМО СМЕЛА.
КОГА МИ ГАЗЕА ПО ГОРДОСТА И ДОСТОИНСТВОТО
САКАЈЌИ ДА МЕ СКРШАТ,
ДА МЕ ПРЕВИТКААТ, ДА ГО УБИЈАТ БОГ ВО МЕНЕ, СОБИРАВ ЕНЕРГИЈА ЗА ДА НЕ ПОТКЛЕКНАМ.
ДА НЕ СЕ ПРЕДАДАМ. ДА ЈА СОЧУВАМ ГЛАВАТА ЦЕЛА. ЗА ДА НЕ СЕ РАЗДРОБАМ НА ПАРЧИЊА.
ДА БИДАМ ТОА ШТО СУМ. ЕНЕРГИЈАТА ЈА НАОЃАВ ВО СЕБЕ, ВО БЛИСКИТЕ.
БЕШЕ ТОА ВРЕМЕ КОЕ МОРАВ САМАТА ДА ГО ИСТУРКАМ. ДА СТАНАМ КАРПА, ПОЦВРСТА ОД СЕКОЈ КАМЕН. И УСПЕАВ. ТАКА ИЗЛЕГОВ ПОБЛАГОРОДНА СО ПОГОЛЕМА ЖЕЛБА ЗА ЖИВОТ,
СО СПОСОБНОСТ ДА РАЗБИРАМ, ДА ГИ САКАМ СИТЕ, ДА СЕ САКАМ СЕБЕСИ. ОТКРИВАЈКИ ЈА ВИСТИНСКАТА ВИСТИНА. ЗАТОА, ВЕРУВАЈ ВО ОНАА ВИСТИНА КОЈА САМИОТ ЌЕ ЈА ОТКРИЕШ.
ЗАШТО ВИСТИНАТА Е САМО ТАА. ТАА НЕ СЕ СЛУША, ВИСТИНАТА СЕ ГЛЕДА. СЕ НАУЧУВА.
ЗАТОА, ДА ТРГНЕМЕ РАКА ПОД РАКА НИЗ МОИТЕ РОМАНИ, ВСУШНОСТ НИЗ МОЈОТ ЖИВОТ.
ДА ГО ИЗОДИМЕ СЕКОЈ СОКАК, СЕКОЈА УЛИЧКА. ДА СЕ СРЕТНЕМЕ СО СИТЕ ДОБРИ И ЗЛИ ЛУЃЕ,
ЌЕ СЕ ЗГРОЗИШ ОД СЕКОЈА НЕПРАВДА, ЌЕ ТЕ ЗАБОЛИ СЕКОЕ ПАРЧОСУВАЊЕ НА МОЈАТА ДУША.
ПРОШЕТАЈ НИЗ СТРАНИЦИТЕ НА МОИТЕ РОМАНИ, ЌЕ МЕ ЗАСАКАШ, А НИЕ ЌЕ ПАТУВАМЕ И ТИ СЕ’ ПОВЕЌЕ ЌЕ ЈА СТИСКАШ МОЈАТА РАКА, ЌЕ УЧИШ ОД МОЈАТА
МУДРОСТ, ЦВРСТО ЌЕ МЕ ПРЕГРАБИШ,ЌЕ ПОСАКАШ ДА СТАНЕШ МОЈ ПРИЈАТЕЛ БЕЗ КОГО НЕ ЌЕ МОЖЕШ ПОВЕЌЕ…..
И ТАКА, ПОЛЕКА,НЕОСЕТНО ЌЕ СЕ ВЉУБИШ ВО СЕКОЈ МОЈ НАПИШАН ЗБОР,СЕКОЈ РОМАН ЗАТОА ШТО ЈАС ЈА ЗБОРУВАМ ВИСТИНАТА, ТАА ВИСТИНА ЗА ВЕК ЗАПИШАНА НА СТРАНИЦИТЕ НА ОИТЕ КНИГИ.
ВИСТИНА КОЈА ДЕНЕС РЕТКО СЕ СПОДЕЛУВА СО НЕКОГО. А ЈАС СО СИТЕ ВАС ЈА ДЕЛАМ,НЕСЕБИЧНО. ОДАМНА НАУЧИВ ДЕКА ЛОШАТА РАКА НА СУДБИНАТА ГИ КРШИ НАЈСИЛНИТЕ. ГИ ФРЛА НА КОЛЕНА ЗА ДА ИМ ПОКАЖЕ ДЕКА МОЖАТ ДА СЕ ИСПРАВАТ.
ОД НАС ЗАВИСИ ДАЛИ ЌЕ СЕ ИСПРАВИМЕ. ОВА Е ЖИВОТ, НЕ Е ФИЛМСКА ЛЕНТА КОЈА МОЖЕ СЦЕНАТА ДА ЈА ВРАТИ НАЗАД И ДА ЈА ИЗБРИШЕ.
ОВА БЕШЕ САМО ВОВЕД И ПАТОКАЗ КОН МОЈАТА ЖИВОТНА АВТОСТРАДА ОПФАТЕНА ВО ЦЕЛОСТ СО МОИТЕ РОМАНИ, КОИ ВСУШНОСТ СЕ МОИТЕ ЖИВОТНИ ПРИКАЗНИ,ВО ЦЕЛОСТ ОРИГИНАЛНИ И ВИСТИНИТИ.
ЗА ВРЕДНОСТА НА МОЕТО ЛИТЕРАТУРНО ТВОРЕШТВО НА ДВА ПАТИ СУМ НАГРАДУВАНА ВО РИМ – ИТАЛИЈА ОД СТРАНА НА МОЌНОТО КНИЖЕВНО ДРУШТВО ВЕРБУМЛАНД АРТ,
КАКО ЕДНА ОД НАЈМОЌНИТЕ 6 ЖЕНИ ВО ЕВРОПА ЗА ИНТЕЛЕКТУАЛНА ИЗВОНРЕДНОСТ ВО ЛИТЕРАТУРНАТА ДИСЦИПЛИНА, ПРОЗА.
НУ Библиотека
