4 март, 2025 г.
Библиотеките како установи одамна во светот а и кај нас ја имаат надминато фазата да бидат само класични библиотеки во кои се оди во читална или едноставно да се зајми и врати зајмената книга.
-Светска а и наша интенција последниве години е Библиотеката да стане дневна соба за нашите сограѓани, се разбира толку колкави што се нашите моментални можности. Таа е и уште повеќе ќе треба да биде отворена кон сите генерации и возрасти. Со понудените содржини сами и еве сега на пример со Здружението на лица со дијабет во пракса го покажуваме тоа. Деновиве со Здружението на лица со дијабет потпишавме Меморандум за меѓусебна соработка.
Со овој Меморандум се дефинирани активностите помеѓу Здружението на лица со дијабет и Библиотека ,,Григор Прличев“ како и моделите на соработка втемелени на платформа на заемна доверба и разбирање која ќе опфаќа низа активности кои се од интерес и корист за двете страни, рече директорката Христина Трпеска.
Резултат на таа соработка е и првиот успешен настан, трибината на тема:
„Дијабетско стапало, дијагноза и третман“ што го одржа д-р Арсо Митрески, специјалист – хирург во пензионер, дијабетичар. Тој одговараше на прашањата на присутните а претходно во постер презентацијата рече: Дијабетското стапало е збир на промени во меките ткива и коските на стапалата на луѓето кои боледуваат од дијабетес.
За да настане дијабетично стапало како причина од постоечкиот диајабет претходно се случуваат следниве промени на долните екстремитети:
Невропатија оштетување на периферните нерви на долните ехтремитети
Исхемија слаба циркулација во артериите на долните екстремитети
Инфекција контаминација на спомнатите промени со патогени причинители и тоа бактерии,габи и други микроорганизми.
Дијабетското стапало се развива
*Како резултат на оштетување на периферните нерви – невропатија
* Како резултат намалена циркулација во долните екстремитети – исхемија
* Како резултат во завршна фаза на инфекција.
Во зависност од присутните фактори, можеме да разликуваме невропатско и невроисхемично дијабетско стапало.
Симптоми кои можат да се појават кога има намалена циркулација во долните екстремитети се
- Болка и грчеви во мускулите на нозете при одење кои се намалуваат за време на одмор
- Во завршна фаза, болка во стапалото и долниот дел на ногата во мирување
- Ладни стапала
- Тенка кожа
- Бавно зараснување на раните
- Намалување или отсуство на влакна во регии каде треба да растат
Фактори на ризик за развој на дијабетична нога се:
- Возраста на пациентот и времетраењето на дијабетес над 10 години
- Лоша регулација на шеќерот во крвта (>10 ммол)
- Атеросклероза на артериите на долните екстремитети
- Сензорни нарушувања – невропатија
- Пушењето
- Дебелината
- Злоупотреба на алкохол
- Физичка неактивност
- Недоволна едукација за дијабетес и нега на стапалата
- Носење несоодветни обувки
- Деформации на мускулно-скелетниот систем
- Несоодветно оптоварување на стапалото
- Професионална изложеност на стапалата на студ и вибрации
- Повреда (траума) на стапалото и/или долните екстремитети
Дијабетесот не е само мал здравствен проблем – тоа е сериозна, долгорочна состојба која погодува милиони луѓе ширум светот. Ако не се контролира, може да доведе до тешки компликации, вклучувајќи срцеви заболувања, откажување на бубрезите, слепило, па дури и ампутации поради слаба циркулација.
Една од најголемите опасности од дијабетес е тоа што тој често се развива тивко. Многу луѓе не сфаќаат дека го имаат додека не се случи сериозна штета. Високото ниво на шеќер во крвта со текот на времето може да им наштети на виталните органи, зголемувајќи го ризикот од мозочни удари и оштетување на нервите.
Сепак, добрата вест е дека дијабетесот може да се контролира со промени во животниот стил, лекови и редовни прегледи. Здравата исхрана, вежбањето и соодветните лекови можат да помогнат во контролата на нивото на шеќер во крвта и да се спречат компликации. Раното откривање е клучно, така што редовниот скрининг е од суштинско значење, особено за оние со семејна историја на дијабетес.
Д-р Арсо Митрески ја вазрши презентацијата како што ја започна: – Три во едно. Најдобри доктори на светот се доктор ДИЕТАТри во едно .Најдобри доктори на светот се доктор Диета, доктор МИР и доктор РАДОСТ.
НУ Библиотека
