2 јануари, 2025 г.
За вработените во НУ Библиотека „Григор Прличев“ како и за многу други 2 јануари е првиот работен ден од оваа Нова 2025 година.
На пултот за зајмување утрово прва дојде нашата читателка Олга Глигуроска, следуваа Антица Стефаноска, Љубинка Кочовска, Бисера Ангелоска и Христина Петроска. Тоа се првите пет а потоа следуваа уште многу поклоници на пишаниот збор.
Колешките од првата смена – библиотекарките Весна Симоноска и Елизабета Бојчевска – Зимоска на читателите им подарија по една новогодишна честитка изработена од вредните раце на учениците од петто одделение во ООУ „Григор Прличев“ како и по еден обележувач за книги во наше издание со ликот на патронот Прличев и неговата позната мисла Чувај се себеси!
Доволен доказ дека ќе имаме плодна читателска година а ние ќе се потрудиме да сме во тренд и да ја побараме актуелната литература од домашни и светски автори.
Среќна Нова на сите!
НУ Библиотека
