9 јули, 2023 г.
Денеска во Охрид во нашата Библиотека многу брзо по промоцијата во Скопје беше промовирана содржината на книгата МАКЕДОНСКИ ПОГЛЕДИ во издание на ПНВ Публикации.
Поетско патување напишано првично на шпански и италијански и преведено на македонски и англиски од еден цел тим пријатели и соработници на двајца дипломати и пријатели Ернесто Хередеро дел Кампо и Марио де Роза.
Поезијата на македонски ја читаше нашата – охриѓанката Ружица Паункоска а музичката придружба беше на познатиот Дарко Багевски и неговата гитара.
Тоа беше дијалог на погледи, јазици и емоции собрани меѓу кориците на книгата а посветени на оваа прекрасна земја и на нашите македонски пријатели, како што рекоа Ернесто и Марио.
„Доцна ли е сега да се пишува поезија? Секако не! Никогаш не е доцна ни да се води дипломатија, ни да се пишува поезија. Кога дипломатијата ќе престане да зборува, тогаш почнуваат да грмат топови. Ако поезијата секне, тогаш ќе го снема светот; или ако го има сè уште, нема да биде вреден да се живее во него“ – Пајо Авировиќ, македонски дипломат.
НУ Библиотека
