6 февруари, 2022 г.
Лајонс клубот „Лихнидос“ деновиве во пресрет на 129 годишнината од смртта на поетот и преродбеник Григор Прличев презеде акција за реосветлување на неговите најзначајни обележја во Охрид.
Реосветлени се: родната куќа, бистата во дворот на основното училиште што го носи неговото име, бистата пред НУ Библиотека „Григор Прличев“ како и неговото вечно почивалиште гробот лоциран зад црквата Св. Богородица Перивлепта.
Иницијаторот и за овој зафат проф. д-р Зоран Тунтев вели дека осветлувањето на Прличевите спомен – обележја е дел од проектот ‘Охрид – град на светлината’. На овој начин клубот Лихнидос изразува длабока почит кон големиот македонски поет, писател и преродбеник од XIX век.
НУ Библиотека токму на денот на Патронот му благодари на д-р Зоран Тунтев за ангажманот и посветеноста, воедно се надеваме дека успешната соработка со ЛК Лихнидос ќе продолжи и ќе се продлабочи
Останува и надежта дека осветлувањето нема повторно да биде мета на вандали и на уништувачи на се’ што е убаво и вредно за почит во градот.
НУ Библиотека
