10 декември, 2024 г.
На одбележувањето на 8 Декември – Денот на Св. Климент Охридски – патронот на Охрид присуствуваше и делегација од соседен Поградец – Албанија.
Делгацијата во состав: Бајрам Фејзолари и Анди Коста советници на градоначалникот и Димитар Таселари, директор на театарот во Поградец се поклонија и положија свежо цвеќе на споменикот на Св. Климент Охридски на истоимениот градски плоштад.
По нивна инцијатива ја посетија и нашата НУ Библиотека „Григор Прличев“ и имаа средба со в.д. директорката Христина Трпоска.
На средбата стана збор за продлабочување на соработката меѓу библиотеките од Охрид и Поградец, започната уште пред околу 20 години а интензивирана последниве две години.
Годинава вработени во библиотеката и поети од Поградец беа наши гости во рамки на поетскиот фестивал „Слушни го езерото“.
Ние пред два месеци присуствувавме на одбележувањето на 117-годишнината од раѓањето на Митруш Кутели и на состанокот на кој претставници на општина Поградец, Мултифункционалниот центар Поградец, Јавната библиотека „Митруш Кутели“ гостите од Охрид и Струга ги запознаа со подготвителната фаза на „Фестивал на крајбрежни поети“. Настан замислен за заедничка промоција на градовите Поградец, Струга и Охрид и локалните млади поети, планиран за наредната 2025 година
НУ Библиотека
