Во рамки на програмата за култура на Општина Охрид, под мотото „Културата расте со децата“ на 17 април во НУ Библиотека „Григор Прличев“ Охрид д-р Лили Бошевска писател и стручен соработник- библиотекар, го реалзираше проектот: „Библиотеката како поттикнувач на културн–уметничката дејност кај децата и младите“.
Во него учествуваа тимови од сите основни училишта од Општина Охрид. Преку реализираната работилница се поттикнаа училишните библиотеки да ги поддржуваат и промовираат уметничките таленти на децата и младите, при што се остварија следните цели:
- Да се поттикнат уметничките таленти и да се создаде желба и самодоверба за уметничко изразување кај децата
- Да се сензибилизираат училишните библиотекари и наставниците за важноста од давање на поддршка на уметничките активности на децата и младите
- Да ги заинтересира децата и да ги мотивира библиотекарите за давање на поттик и стручно насочување за развивање на уметничките таленти на децата и младите.
- Да го збогати книжниот библиотечен фонд на училишните библиотеки во Охрид со стручна и уметничка литература за библиотекари и за деца.
Проектот опфати две активности:
Првата активност работилница за тимови од секое училиште кои се сочинети од стручен соработник-библиотекар и три ученици кои се членови на библиотекарските, литературните или уметничките секции.
На работилницата беа презентирани техники на поттикнување на читањето, како и начини за вклучување на учениците во културно-уметнички активности. Со реализација на работилниците училишните библиотекари стануваат активни чинители во културното-уметничкото издигнување на своите ученици, а исто така поддршка на наставниците по македонски јазик, ликовно и музичко образование.
За реализација на работилницата беа користени материјали од публикацијата „Стручни работилници: Училишните библиотекари поттикнувачи на интересот за библиотечна дејност кај децата и младите“, од д-р Лили Бошевска, која е издадена со поддршка на Министерството за култура и туризам.
Работилницата се одвиваше во НУ Библиотека „Григор Прличев“ Охрид.
На работилниците се разви дискусија, во која учениците ги искажуваа своите ставови за културата и уметноста и нивната вклученост и искуствата во различни активности поврзани со уметничките дејности: театар, ликовна уметност, фотографија, литература, со што ги споделија своите уметнички склоности и таленти, а потоа се развиваа техники и активности за поддршка на нивните потреби од страна на библиотекарите, родителите, и наставниците, која им е потребно да ја добиваат во нивното културно- уметничко едуцирање, изградување и надградување.
Втората активност се состоеше од доделување на пакети како подароци кои се состојат од комплет книги за секоја училишна библиотека. Покрај интерпретирањето на техники и активности за поттикнување на културно-уметничката дејност кај децата и младите, настанот беше облагороден со дарување на пакет книги за секоја училишна библиотека и тоа: „Училишните библиотекари поттикнувачи на интересот за библиотечна дејност кај децата и младите“ и книги од драмскиот текст „Самовилата…“ од авторката д-р Лили Бошевска, со назнака дека ги обезбедува Општината Охрид, која се грижи и го поддржува културниот раст на децата, а со тоа и културниот подем на општината.
НУ Библиотека
