13 мај, 2025 г.
Типографот и графички дизајнер Ласко Џуровски деновиве ја посети НУ Библиотека „Григор Прличев“ во Охрид и пред вработените го презентира новиот предлог – визуелен идентитет на установата.
Џуровски инспириран од ликот и делото на Прличев, но и активностите на библиотеката и нејзиното присуство во медиумите, како што кажа дошол на идеја да го ребрендира визуелниот идентитет на Библиотеката.
Во предлозите задржани се основните елементи – портретот на Прличев, ловоровиот венец и типографија која потсетува на кириличните исписи базирани на историски пишани документи пронајдени на овие простори.
Џуровски презентираше и неколку предлог варијанти кои се прилагодени за употреба во пишани или електронски медиуми, во векторски и пиксел формат.
Освен тоа, дефинирани се формулите на основните бои и типографијата на логото.
-Новиот визуелен идентитет НУ Библиотека „Григор Прличев“ ќе го промовира на 23 мај, во пресрет на 24 Мај – Денот на сесловенските просветители Св. Кирил и Методиј. Ребрендирањето на Библиотеката е и во рамките на 195 годишнината од раѓањето на нашиот патрон Прличев, вели в.д. директорката Христина Трпеска.
Ласко Џуровски, роден 1960 година во Ресен. Завршил економски факултет на Универзитетот „Св. Кирил и Методиј“ во Скопје. Тој е основач и сопственик на студиото за дизајн и типографија ТОТЕМ.
Активно се занимава со типографија, автор е на повеќе од 450 оригинални мултијазични фонтови, кои содржат македонска кирилица.
Ласко Џуровски е креатор меѓу другото и на идејните и ликовно-графичките решенија за изгледот на 200-ката и 2000-ката од книжните пари кои се во циркулација од 2016 година.
НУ Библиотека
