27 март, 2025 г.
На повикот на нашата НУ Библиотека „Григор Прличев“ за учество на Регионалниот натпревар „Млади библиотекари“ закажан за 11 април во просториите на Библиотеката со почеток во 10 часот се пријавија седум училишта со вкупно 15 натпреварувачи од општините Охрид и Дебрца.
За подготовка учесниците на натпреварот треба да користат: Прирачник за подготовка на кандидати за натпреварот „Млади библиотекари“, во издание на Библиотерското здружение на Македонија според кој се формираат и прашањата.
Прашалникот ќе се состои од 20 прашања на кои натпреварувачите писмено ќе одговараат за време од еден час (60 минути). Натпреварувачите се потпишуваат со шифра.
Победникот од натпреварот во Охрид се стекнува со право на учество на Републичкиот натпревар, кој оваа година ќе се одржи во библиотеката „Кочо Рацин“во Кичево на 7 мај, а е во организација на Библиотекарското здружение на Македонија.
НУ Библиотека
