3 март, 2025 г.
Утре – вторник, 4 март, во НУ Библиотека ,,Григор Прличев“ д-р Арсо Митрески ќе одржи предавање на тема ,, Дијабетично стапало, дијагноза и превенција“.
Шеќерната болест го забрзува затнувањето, односно артериосклерозата на крвните садови во мозокот, очите, срцето, бубрезите и во нозете. Пациентите со дијабетес тип 1 почесто имаат оштетувања на малите крвни садови (микроангиопатија) во очите и бубрезите, а оние со тип 2 на поголемите крвни садови (макроангиопатија) во мозокот, срцето и нозете.
Најосетливи на недостаток на крв во нозете се нервите, заради што болеста почнува со симптоми на трнење, печење и болки во стапалата и нозете. Симптомите најмногу се изразени кога пациентот мирува, односно за време на одмор и пред спиење. Тоа е дијабетична невропатија.
Предавањето ќе започне во 12 часот и е отворено за сите заинтересирани граѓани а д-р Митрески ќе одговара на сите прашања на присутните.
Организатор на настанот е Здружението на лица со дијабет „Охрид“ кое деновиве потпиша Меморандум за соработка со Библиотеката.
НУ Библиотека
