Пригодно одбележана 111 годишнината од раѓањето на Ванчо Николески
Posted by Milco Jovanoski in Актуелно
10
Jun
2023
10 јуни, 2023 г.
Денеска се навршуваат 111 години од раѓањето на Ванчо Николески, романсиер, раскажувач и поет.
Вчера во НУ Библиотека „Григор Прличев“ се одржа Омаж посветен на неговиот живот и творечки пат. На настанот присуствуваа и ученици од ООУ „Ванчо Николески“ од село Лескоец .
Нив и останатите посетители ги запознавме со творештвото на Николески, прочитавме негови стихови кои посебно кај децата предизивикаа радост а им ја прикажавме и првата епизода од култната ТВ серија „Волшебното самарче“ работена по делото на Николески.
Ванчо Николески е роден на 10 јуни 1912 година во с. Црвена Вода, Дебрца, Охридско. По завршувањето на основното училиште во родното место, гимназија учеше во Охрид, а Учителска школа во Скопје.
Неколку години учителствуваше во селата низ Македонија (Белчишта, Косел и др.). Тој е еден од првите учители на македонски јазик во селата на ослободена Дебрца по Втората светска војна.