17 февруари, 2022 г.
И оваа недела ви препорачуваме за читање уште шест нови наслови од домашната и светска издавачка продукција. На пултот за зајмување во НУ Библиотека „Григор Прличев“ во Охрид можете да ги побарате следниве книги:
„Куклата на Ана“ од Наде Стоиљковиќ во издание на Сакам книги, „Теорија за кучешката година“ од Милован Стефановски – Матица македонска, „Вишнов ликер“од Влада Урошевиќ издание на Магор.
Достапни за сите сегашни и идни членови на библиотеката се и следните бестселери: „Мали тајни“ од Џенифер Хилиер и „Мртва ладна“ од Луиз Пени обете во издание на Антолог и „Херој“ од Саманта Јанг од издавачот Сакам книги.
Годишната членарина во НУ Библиотека „Григор Прличев“ за возрасни чини 300 а за деца 200 денари.
Библиотеката со читатели работи од понеделник до петок во времето од 8 и 30 до 18 и 30 часот.
НУ Библиотека
