20 октомври, 2021г.
НУ Библиотека „Григор Прличев“ неодамна го збогати својот фонд со неколку изданија од сликовници кои сигурни сме дека ќе го привлечат вниманието за нивно читање од страна на децата и нивните родители.
Оваа среда ви претставуваме шест сликовници од едицијата „Мала Европа“ од издавачот Либи од Скопје.
„Самовилата која гледа во темнина“ од унгарецот Ласло Багоши.
„Мама“ од белгиските автори Елон Делфорж и Кентен Гребен.
„Чао“ од Едвард де Вендел и Марије Толман од Холандија.
Во оваа понуда се најдоа и две прекрасно дизајнирани сликовници од македонскиот автор Ване Костуранов кои со самото појавување во книжарниците станаа бестселери. Се работи за сликовниците: „Девојчето и градот“ и „Девојче и мече“.
Посебно богата со илустрација и прекрасни четива е сликовницата „Бајки од Македонија за цела година“.
Зачленувањето во НУ Библиотека „Григор Прличев“ за една година за деца е 200 а за возрасни 300 денари.
Пултот за зајмување во библиотеката за читателите е отворен од понеделник до петок од 8 и 30 до 18 и 30 часот.
НУ Библиотека
