15 април, 2024 г.
Денеска се навршија 44 години од смртта на македонскиот писател и поет Ванчо Николески. Николески припаѓа на првата генерација македонски писатели за деца, генерација што во литературата влезе непосредно по ослободувањето.
Ванчо Николески е роден на 10 јуни 1912 година во с. Црвена Вода, Дебрца, Охридско. По завршувањето на основното училиште во родното место, гимназија учеше во Охрид, а Учителска школа во Скопје. Неколку години учителствуваше во селата низ Македонија (Белчишта, Косел и др.). Тој е еден од првите учители на македонски јазик во селата на ослободена Дебрца за време на бугарската окупација на Македонија во Втората светска војна
Нашата библиотека во соработка со ООУ „Ванчо Николески“ од село Лескоец со пригоден настан ја одбележа годишнината од неговата смрт.
Под раководство на наставничката по македонски јазик Емилија Блажеска ученичките Анастасија Чулческа, Наталија Чулческа , Јована Крстаноска и Теодора Тодорска сите од деветто одделение присутните ги запознаа со животот и делото на патронот на училиштето а прочитаа и негови песни кои се помалку познати во јавноста.
Во публиката беа учесниците и нивните ментори на традиционалниот натпревар „Млади библиотекари“.
НУ Библиотека
