Со изложба на одбрани дела ги одбележуваме родендените на роднокрајните автори родени во јануари

9 јануари, 2023 г. 

Нашата НУ Библиотека „Григор Прличев“ и годинава ја продолжува традицијата со пригодна изложба од одбрани дела  поставена пред пултот за зајмување книги да ги одбележува родендените на роднокрајните автори.

Во јануари родени се следните роднокрајни творци:  Григор Прличев, Иван Точко, Видое Видически, Јован Котевски, Трајан Петровски, Славе Банар, Марија Младеновска и Димитар Димоски.

Нивните дела имаат посебно место во нашето Роднокрајно одделение и во секој миг можат да се препрочитаат и да се побараат за да се потсетите или некои од вас за прв пат да се сретнат со нивниот стил на пишување и откривање на нивното творештво во кое централно место има нашиот Охрид.

НУ Библиотека „Григор Прличев“ е отворена секој работен ден од 8 и 30 до 18 и 30 часот.

НУ Библиотека