Нови мотивациски книги и нови наслови од белетристиката

19 август, 2022 г. 

Во неделната понуда на нови наслови во НУ Библиотека „Григор Прличев“ од Охрид доминираат книгите со мотивациска содржина сврзани со односот на човекот кон животот, работата, секојдневието и опкружувањето.

На пултот за издавање од денеска можете да ги побарате следните изданија: Основно правило за успех од Дарен Харди, Подарокот од Едит Егeр и Ти си ѕвер од Џен Синсеро.Трите во издание на Сакам книги.

Од истиот издавач ви го препорачуваме и романот Присестра од Џенифер Донели. Побарајте го  и романот Изгубената ќерка од Али Мерсер во издание на Книгохоличари.

Потсетуваме дека годишната членарина за возрасни е 300 а за деца 200 денари.

Библиотеката за корисниците на нејзините услуги од понеделник до петок е отворена од 8 и 30 до 16 часот.

НУ Библиотека