15 февруари 2015
Во среда на 17 ти февруари во библиотеката “Григор Прличев“ – Охрид ќе биде промовирана книгата раскази “Потоци. Стапки“ од писателката Маја Мојсова.
Книгата е објавена во 2015 година и истата е наградена со прва награда “Гравитација 2015“ во категоријата книги -раскази.
Маја Мојсова пишува поезија и проза. Има издадено збирка поезија “Кохезија, колизија на човековата визија (2012, колекција на песни на македонски и англиски јазик) и заедничка книга “Зен Верс“ (2014) од четири автори.
Дел од нејзиното творештво е објавувано во зборници, литературни и интернет списанија: “Кокинску мугри“-Куманово,“ Точно напладне“ – Охрид,“ Симфонија на срцето“ – Битола, ревија “Бранувања“ – Струга “100 илјади поети на промена“- Струмица, “Октомвриски книжевни чествувања“ – Битола, ревија “Комплетна“ -Скопје, “Окно“ – Скопје и други.
Промоцијата ќе започне во 17 часот во Прличевата Одаја при НУ Библиотека “Григор Прличев“-Охрид.
