31 октомври, 2019 г.
Вчера во посета на НУ Библиотека „Григор Прличев“ во Охрид беа учениците од II одделение од ОУ „Христо Узунов“ заедно со своите наставнички.
Колегите во библиотеката на едноставен и разбирлива начин, прилагоден на нивната возраст ги запознаа учениците со процесот на работа во библиотеката, зачленувањето, издавањето на книги и нивна промоција.
Децата го видоа и фондот на книги и им беше објаснето како најбрзо да стигнат до саканиот наслов и како во нашата библиотека се распоредни книгите и авторите.
Учениците покажаа особен интерес и љубопитство и поставија повеќе прашања и преку одговорите добија појасна слика за дејноста и активностите во Библиотеката.
Учениците од второ одделение од ОУ „Христо Узунов“ ги предводеа наставничките: Весна Шопоска, Весна Коцарева, Соња Војданоска, Гордана Вељаноска и Татјана Буџакоска.
