26 октомври 2018
Во НУ Библиотека „Григор Прличев“ – Охрид денеска се одржа Општинскиот натпревар „Млади библиотекари”.
На натпреварот учествуваа 15 ученици од основните училишта: „Св Климент Охридски“, „Григор Прличев“, „Христо Узунов“ , „Живко Чинго“, „Кочо Рацин“, „Св. Наум Охридски“ и „Ванчо Николески“.
Резултатите од натпреварот ќе бидат познати во текот на следната недела, а најдобриот ученик ќе ја претставува општина Охрид на Републичкиот натпревар во Демир Хисар.
Организатор на натпреварот е Библиотекарското здружение на Македонија.
