7 ноември 2017
На ден 02.11.2017 година во просториите на НУ Библиотека „Григор Прличев“ – Охрид беше одржана работна средба на в.д. директорите на НУ универзитетска библиотека „Св.Климент Охридски“ м-р Јелена Петровска и директорката Гордана Змејковска.
На средбата беа договорени заеднички активности по повод одбележување на значајни датуми и настани, како и можноста за промовирање на роднокрајните писатели и заеднички организирани промоции на најновите изданија на македонски и странски писатели. На работниот состанок беа разгледани можности за започнување на проекти со популаризација и читање поврзани со информациска писменост. По работната средба директорката Петровска имаше прилика да се запознае со вработените, како и со просторните можости на Библиотеката.
